Hildur í Baunalandi

Anthony and the Johnsons...

2006-09-08T12:42:00.000-07:00

Ég get ekki lýst því hvað tónleikarnir í gær voru frábærir! Ég hló og var klökk á víxl! Nú bíð ég bara spennt eftir disknum sem hann og Björk eru að semja saman!

Womania...

2006-09-06T12:12:00.000-07:00

Þá fer senn að ljúka Århus Festuge. Þemað í ár voru konur og bar hátíðin nafnið "Womania".
Það var mikið um dýrðir, matur og öl á hverju götuhorni, tónleikar alla daga. Hátíðinni líkur á morgun með tónleikum Anthony and the Johnsons, sem ég er að fara á með Ásdísi og vinkonu hennar ",

Í tilefni hátíðarinnar var bærinn skreyttur hátt og lágt með listaverkum sem tengjast konum.

Badstuegade, gatan sem Pilgrim verslunin er í, var endurskýrð Pilgrims Gade, og var gatan skreytt með stækkuðum útgáfum af skartgripum þeirra.

Einnig var merkt á hvaða svæðum sé óhætt að labba á hælaskóm...

...og hvar ekki

Þessi listaverk vöktu mikla lukku!

Malmö Festivalen...

2006-08-21T12:28:00.000-07:00

Þá er alveg hreint frábærri ferð á Malmö Festivalen lokið!
Við skvísurnar Sonja, Þorgerður, Auðbjörg og Ingibjörg skelltum okkur í heimsókn til Bryndísar og Peo í Malmö síðastliðinn þriðjudag. Þar var mikið verzlað og kortin hjá sumum sennilegast komin með þriðja stigs brunasár...nefni engin nöfn! En við gáfum okkur líka tíma í að kíkja í Tívolí í Køben og á föstudags og laugardagskvöld fórum við á Malmö Festivalen sem er ein alsherjar matar- og tónlistarhátíð. Hátíðin byrjaði á föstudaginn með Crayfish áti, eins og sést á myndinni.

Á laugardeginum kíktum við í bæinn og smökkuðum Thailenskan og Indverskan mat. Kíktum svo á tónleika í einhverjum garði, þar sem allir Gotharar Svíþjóðar höfðu greinilega safnast saman...

Er núna komin til Árósa og alvaran tekur "snart" við...

mikilvæg tilkynning!

2006-05-22T05:14:00.000-07:00

Gemsinn minn er látinn og ég á eftir að kaupa mér heimasíma,
þannig að það er sem sagt ekki hægt að ná í fröken Hildi Finnbogadóttur þessa dagana.

Lifið heil,
kveðja,
Hildur

there is a god...somewhere!

2006-05-16T12:30:00.000-07:00

Fann þessa frétt á ruv.is í dag:

Danir framleiða skyr
Skyr er nú framleitt í Danmörku, og verður til sölu í dönskum matvælaverslunum frá og með næstu viku. Skyrið var markaðssett við hátíðlega athöfn í Kaupmannahöfn í dag. Danska skyrið er framleitt úr danskri mjólk, en unnið samkvæmt íslenskri uppskrift. Guðni Ágústsson landbúnaðarráðherra, telur það hafa heppnast vel.

Skyrsölunni í Danmörku verður hleypt af stokkunum í matvælaverslununum Irma á Kaupmannahafnarsvæðinu á mánudaginn. Íslenska fyrirtækið Agrice hefur selt uppskriftina til danska mjólkursamlagsins Thise. Poul Pedersen, forstjóri Thise, kveðst bjartsýnn á að skyrið nái vinsældum í Danmörku. Pedersen kveðst búast við því að Thise selji nokkur þúsund mál af skyri á Kaupmannahafnarsvæðinu í viku. Skúli Gunnar Böðvarsson, framkvæmdastjóri Agrice, kveðst bjartsýnn á að skyrið verði vinsælt í Danmörku rétt eins og á Íslandi, þar sem það hefur verið markaðssett sem hollur biti milli mála.

Puha...!

2006-05-08T10:45:00.000-07:00

Það er víst orðið ansi langt frá síðustu færslu, páskarnir löngu liðnir og sumarið komið. Það er búið að vera mikið að gera undanfarið, bæði í skólanum og heima. Ég er semsagt flutt, loksins!!! Ég verð samt að viðurkenna að ég varð pínu klökk þegar ég yfirgaf Ravnsbjerg Kollegiet, enda var mér farið að þykja hálf vænt um bælið og ég á pínu eftir að sakna fyrrverandi sambýlisfólks míns.

En ég tók gleði mína fljótt aftur og ég er rosalega ánægð með nýju íbúðina og er með æðislegt útsýni (sem er enn flottara á sólardögum):

Já, nú er ég loksins komin í Skejby klíkuna með Ásdísi, Hrefnu og Thelmu ",

Súkkulaðisæla...

2006-04-17T08:16:00.000-07:00

Jæja, þá eru bara nokkrar klukkustundir þar til Páskafríinu líkur og blákaldur raunveruleikinn tekur við!
Þetta er búið að vera ljúft frí, þótt ég hafi reyndar ekki getað farið langt frá bókunum, enda styttist óðum í próf : (
Páskadag eyddi ég með Ragnheiði og Hrefnu. Við borðuðum páskaegg saman og elduðum rosalega góðan mat:
Lambalæri með sveppasósu, sætar og venjulegar kartöflur bakaðar í ofni og Waldorfsalat.

Ég verð nú líka að hafa eina mynd af yours truly:

Þetta rann allt ljúflega niður. Í eftirrétt höfðum við svo jarðaber með sósu eftir uppskrift Malene Probst, vinkonu Ragnheiðar.
Ég mæli eindregið með þessum eftirrétt og læt því uppskriftina fylgja:

Malenes Orgasme

Til en person:
2 spk hytteost
1 spk flormel
1 tsk vaniljesukker
Knivspids kanel
Knivspids revet citronskal

Det hele blendes og servers med jordbær

Það er komin vetrartíð...

2006-04-05T01:11:00.000-07:00

Páskahretið er komið í DK!
Í gær kom smá haglél out of the blue og í morgun byrjaði að snjóa, og það snjóar enn.

Ég kenni Ragnheiði um þetta! Hún storkaði örlögunum í gær þegar hún fór að tala um að nú sé kominn tími á sandala, og upp úr því hófust miklar umræður um fótsnyrtingu, þurrar iljar og þess háttar sem gæti staðið í veginum fyrir sandalanotkun.
Kannski hafa örlagadísirnar talið að fætur okkar væru svo illa haldnir að við þurfum lengri tíma til koma þeim í stand fyrir sumarið. Ég ætla því að drífa í því að snyrta á mér fæturnar og vona að sólin og góða veðrið komi þá aftur.

2006-04-03T13:26:00.000-07:00

Var að koma af køkkenmøde, sennilega því síðasta áður en ég flyt. Djöfull er gaman að vera farin að skiilja allt tuðið í liðinu sem ég bý með.
Það er ótrúlegt hvað Danir geta talað mikið um ekkert. Þetta leit út fyrir að vera ofur stuttur fundur. Það átti bara að ákveða hvað ætti að gera við gömlu elhúsáhöldin, hvort einhver vildi eiga þau eða hvort ætti að henda þeim og svo borga í ølkassen. Svo áttum við að fara niður í geymslu og henda öllu því sem enginn kannaðist við.
En svo þegar við vorum að fara að standa á fætur vildi einn strákurinn koma með mál á dagskrá. Það hvort nota eigi ofnahreinsi þegar við þrífum ofnana HVERJA helgi. Hann hélt því fram að þetta væri bölvað eitur og að hann fyndi ofnahreinsi bragð af frönskunum sínum (by the way þá er það það eina sem ég hef séð hann borða síðan ég flutti inn í október). Þá hófust heitar umræður um þetta og það var rætt fram og til baka hvort væri í lagi að nota stundum sápu eða hvað og margar uppástungur komu en engin niðurstaða fékkst.
Svo var drepfyndið þegar annar strákur sem var orðinn ansi pirraður sagði við þann sem kom með málið: ,,bíddu, þú ert búinn að búa hér í 5 ár og þetta hefur alltaf verið svona, hvað varð til þess að þú skyndilega heldur að ofnhreinsirinn sé eitraður?". Hinn gat eiginlega engu svarað en hélt áfram að halda því fram að maður gæti örugglega dáið ef maður búi við þetta í ca 10 ár. Svo eftir að þau voru búin að rífast um þetta í 10 mínútur í viðbót var loksins einn sem sagði að það þýddi ekki að ræða þetta frekar og við yrðum bara að halda okkur við að nota ofnhreinsi.

Ég held ég eigi pínu eftir að sakna køkkenmøde þegar ég flyt.

1. maí

2006-03-30T01:32:00.000-08:00

Hér með tilkynnist að ég er að fara að flytja í maí,

frá Ravnsbjerg í Aarhus Syd:

til Skejbygaard í Aarhus Nord:

Þá verð ég bara í 10 mínútur að hjóla í skólann, í stað 40 mínútna ",
Reyndar verður leiðinlegt að hafa Ragnheiði ekki lengur sem nágranna, en þar sem ég kann svo vel á strætóana sem keyra til hennar, þá losnar hún ekki við mig svo auðveldlega.

P.s. pílan á fyrri myndinni bendir reyndar á íbúðina hennar Hrefnu, og þar með kemst upp um mig að ég stal myndunum af heimasíðu hennar ",

Júróvísjón lagið á ensku...

2006-03-26T09:31:00.000-08:00

Hér er enska útgáfan af Júróvisjón laginu:

CONGRATULATIONS

me and you and everyone we know...

2006-03-19T04:49:00.000-08:00

Ég mæli eindregið með þessari mynd.

ME AND YOU AND EVERYONE WE KNOW

Ég hef ekki séð svona skemmtilega og frumlega mynd í langan tíma.
Þeir sem eru í Árósum geta séð hana í "Öst for Paradisen" sem er skemmtilega gamaldags kvikmyndahús. Húsakynnin minna á MR og það er frekar eins og maður sé kominn í leikhús en bíó. Það er til dæmis ekki hægt að kaupa popp og ef þú vilt gos þá færðu það í gleri. Einnig er hægt að kaupa sér bjór eða kaffibolla og smá sælgæti.

Hovedrengøring... ",

2006-03-15T08:52:00.000-08:00

Ekkert að frétta frekar en fyrri daginn.
Það var "hovedrengøring" á Kollegie-inu mínu í dag.
Allt tekið í gegn og þrifið, kaffivélar afkalkaðar, gólfin bónuð, frystar afþýðaðir, og svo videre...!

Ég átti að þrífa aðra eldavélina og ryksuga sófana. Það var nú lítið mál, þar sem ég þreif sömu eldavél fyrir rúmri viku síðan. Krakkarnir á hæðinni minni eru nefninlega svo mikil hreingerningarfrík að það er eiginlega gerð hovedrengøring í hverri viku. Í hverri viku eru tveir með køkkenvagt og tveir með ovenvagt og allt er tekið í gegn og þrifið vel og vandlega, kaffivélar afkalkaðar, eldavélar og örrarar þrifin, allt skúrað og skrúbbað. Þetta er sko ekki svona á öðrum hæðum á Kollegie-inu!

Eníveis, vildi bara deila þessum óþarfa upplýsingum með ykkur,

yours truly,
Hildur

Fastir liðir eins og venjulega...

2006-03-12T02:43:00.000-08:00

LÍfið gengur sinn vanagang hér í Árósum, læra, borða, sofa, kaffihús...

...reyndar var mér og fleirum úr sálfræðinni boðið á föstudaginn að hitta íslenska konsúlinn hér í Árósum og Svavar Gestsson, sendiherra Íslands í DK. Sendiherrann vildi vita hvað við værum að gera, hvernig okkur líkaði veran hér, hvaða Íslendingafélög væru hér í Árósum og hvort við höfðum yfir einhverju að kvarta. Verð að viðurkenna að ég varð fyrir pínu vonbrigðum með veitingar, var búin að gera mér vonir um að á boðstólnum yrði Nóa Konfekt eða einhvað annað íslenkt, en varð að sætta mig við erlendar veitingar, sem voru reyndar mjög góðar ",
Í gær fór ég svo með Hrefnu, Ragnheiði, Gumma og Eddu á Walk the Line, myndina um Johnny Cash og June Carter. Mæli með henni!

Hef ekkert meira að segja í bili,

Yours truly,
Hildur

Long time no seen...

2006-02-26T07:37:00.000-08:00

Jamms, það er orðið ansi langt síðan frá síðustu færslu.
Það er bara ekki svo mikið í fréttum.
Það var næstum því hættuástand
hér í DK út af fuglaflensunni, en það var sem betur fer
false alarm! Mér leist líka ekkert á blikuna þegar ég komst
að því að það var verið að rannsaka hræin í næsta húsi
við fallega skólann minn!

Til hamingju Ísland!

Ég horfði á íslenska Júróvision heima hjá Kötu vinkonu.
Að sjálfsögðu kaus ég Silvíu Nótt, en mér fannst líka
lögin með Ardís Ólöfu og Dísellu mjög flott.
Svo skelltum við okkur í ,,sænskt" partý í Arkitektaskólanum. Það var
rosalega gaman og danskar vinkonur Ragnheiðar höfðu
saumað sér ABBA búninga! Mjög metnaðarfullar!

Annars er ég bara búin að vera í skólanum og í
dönskukennslu tvö kvöld á viku.
Eníveis, skrifa aftur þegar ég hef einhvað að segja.

Yours truly,
Hildur

Svineriget i øst!

2006-02-09T05:04:00.000-08:00

Ég fór í afmælismat til Ragnheiðar í gær og fékk franskar pönnukökur með skinku, hvítlaukssósu og fleiru, mmm rosalega gott! Svo þegar við vorum að fara að fá okkur eftirrétt byrjaði dokumentar á DR1 í sjónvarpinu um Dani sem eru með svínabú í Póllandi og Úkraínu og eru að brjóta fullt af heilbrigðislögum:

"Danske landmænd i udlandet producerer svin med metoder, som dansk landbrug officielt har lovet at holde sig fra på grund af sundhedsrisiko for forbrugerne.
Produktionen sker fra kæmpefarme i Østeuropa, som er etableret med økonomisk støtte fra den danske stat. En del af kødet sendes til Danmark og sælges i danske butikker."

Þeir eru víst að dæla einhverjum lyfjum í svínafóðrið og það getur leitt til þess að þeir sem borða kjötið verði ónæmir fyrir ýmsum sýklalyfjum, til dæmis fyrir lyfi við salmonellu.
Það fór smá ólga um magann á mér þar sem skinkan sem við vorum að renna niður er einmitt framleidd úr kjöti frá þessum svínabóndum!!!

Ég kaupi aldrei aftur skinku frá Coop Extra!

Danger Zone !

2006-02-06T14:10:00.000-08:00

Hér er ég í 100 kr úlpunni úr HM fyrir framan Jyllandsposten, sem hefur fengið sprengjuhótanir vegna teikninganna af Múhameð. Jyllandsposten er hinum megin við götuna við Kollegie-ið mitt (Ravnsbjerg). Eins gott að ég er búin að borga af heimilistryggingunni minni í Danske Bank!
Ég ætla svo að reyna að setja inn link á myndaalbúmið mitt svo ég geti sett allar myndirnar mínar inn á bloggið.

Yours truly,
Hildur

nu jæja!

2006-01-09T10:27:00.000-08:00

Nú er skólinn kominn á fullt og nóg að gera. Er í kúrs núna sem er eins konar æfing í að vera klínískur sálfræðingur. Við erum 4 í hóp og skiptumst á að vera sálfræðingur, skjólstæðingur eða áhorfandi. Þetta er rosalega skemmtilegt og gagnlegt, en líka erfitt. Ég reyni að tala dönsku en skipti yfir í ensku ef ég get ekki sagt það sem ég vil segja á dönsku. Þær sem eru með mér í hóp eru rosalega fínar og skilningsríkar á tungumálaörðugleikana.
Svo er ég að byrja í dönskukennslu á morgun og mun fara tvisvar í viku.
Annars er ekkert að frétta, er að fara á Køkkenmøde á eftir og ætla svo að kíkja til Hrefnu í næsta húsi og horfa á LOST!

Kveð að sinni,

yours truly,
Hildur

Godag, godag!

2006-01-09T10:07:00.000-08:00

Hæ, hó allir saman!
Vegna fjölda áskorana (reyndar bara frá Björgu systur) hef ég ákveðið að byrja að blogga
meðan ég er í DK. Ég er ekki mjög bjartsýn á þetta framtak mitt, en ég mun gera mitt besta.
Allavega hendi ég inn mynd eða tveim.

Yours truly,
Hildur